Thursday, September 28, 2017

DHIMMA LAMMIILEE KEENYA ABDII ILEEFI WAYYAANEN BUQQA'ANII QUBACHIISUU ILAALCHISEE

DHIMMA LAMMIILEE KEENYA ABDII ILEEFI
WAYYAANEN BUQQA'ANII QUBACHIISUU
ILAALCHISEE

                                                                                    (jawar Mohammed irra )
Akkuma hundi keenya quba qabnu ilmaan Oromoo Kuma Dhibbaa ( 100,000) ol tahan Abdi Ileefi Wayyaanotaan naanno Soomalee akkasumas Somaliland irraa buqqaafamanii Oromiyaatti galfamanii jiran. Ummata kana simatanii qubachiisuudhaaf Oromoon hundi gamtaadhaan duula guddaa godhaa jiru. Gumaata isaanis hamma danda'an hundaan godhaa jiru. Hanga ammaa gargaarsi miliyoona 150tti shallagamu akka sassaabame gabaafameera. Gargaarsa kana qindeessuufi ummata kanaan qubachiisuuf koreen ol'aantummaan hogganu kan miseensa 10 qabu ijaaramee jira. Obboleeyyan keenya diinni buqqaasee baqachiise kana hamileen simachuu irratti hojiin hanga ammaa hojjatame kan nama boonsuudha. Gara fuulduraas uummata kana qubachiisuuf hojii cimaa gaafata. 
Haaluma kanaan...
1) Koreen uummata kana qubachiisuuf dhaabbatefi Mootummaan Naannoo Oromiyaa qabeenya ilmaan Oromoo kun itti xaaranii horatan kan naannoon Soomalee irraa ariite deebisiisuuf carraaqqii cimaa gochuu qaba. Qabeenyi hedduun akka saamame ifa. Ta'us qabeenya dhaabbataa akka manaa baqattoonni kun akka gurgurtan haala mijeessuu feesisa. Qabeenya saamameef ammoo mootummaan naannoo Soomalee beenyaa gahaa akka kennu dhiibbaan seeraafi siyaasaa irratti godhamuu qaba;
2) Hamma Uummata kana qubachiisuuf barbaachisu gahuu baatus hanga ammattii maallaqa guddaatu walitti qabame. Gara fuulduraattis akka itti fufu ni abdatama. Rakkoo osoo hin eeggamin mudate kanaaf saffisaan qophiidhaan ala maallaqa walitti qabuun rakkoolee muraasa uumus, akkaataan hanga ammaa maallaqni walitti itti qabame rakkoo guddaa waan qabu hin fakkaatu. Ta'us godinoota muraasatti bulchiinsi magaalalee akkaawuntii mataa isaanii banuun shakkii uumee jira. Kanaafuu Koreen jiddugaleessaan waan kana akka qindeessuuf ijarame haala kana too'atee furmaata hattattamaa itti kennuu qaba. Maallaqa godinootaafi aanaalee irratti walitti qabaman akkaawuntii ifaafi uummatni beekutti saffisaan akka galu godhuu qabu; 
3) Hanga ammaatti hojiin hojjatame baqattoota kana simachuu, hamilee isaanii tiiksuufi balaa biraatiif akka hin saaxilamne dhaqqabuudha. Kanumaafis baqattoonni hedduun gara aanaalee dura gara Soomaaleetti irraa imalaniirti ( gara osoo naannoo Soomalee hin dhaqin keessa jiraataa turaniitti) deebifamanii jiru. Kanneen hafan ammoo bakkoota garagaraatti mooraa waraanaa, manneen barnootaafi gamoolee bulchiinsaa keessatti tajaajilamaa jiru. Kanaafuu bakkoota yeroodhaaf itti dahatan kanatti tajaajilli fayyaa, nyaataa, uffataafi kanneen biroo jabaatee itti fufuu qaba. Bakkoota hedduutti uummanni magaalota isaan keessa qubatanii akka gaaritti baqattoota tajaajiluu kan itti fufe ta'us haqinni qindoominaa mul'ataa jira. Bakka tokko tokkotti ammas gargaarsi gahaan dhaqaa hin jiru. Kanaafuu rakkoo kana furuun baqattoonni bakka yeroof dahatanii jiranitti kunuunsi qaamaafi qalbii gahaan godhamuufi qaba;
4) Dhimmi hundarra guddaa garuu uummata ari'amee eddoo jireenyaa isaanirraa buqqa'ee, baqate gara biyya ofiitti deebi'e kana bifa dhaabbataan qubsiisuun jiruu isaaniitti akka deebi'an dandeessisuudha. 
Kana gochuudhaaf
A. Ragaa guutuu eenyummaa isaanii galmeessanii qabachuun barbaachisadha ( Kana akkuma isaan Oromiyaatti deebi'aniin akka irraa fuudhan abdii qabna). Odeeffannoo akkasii qabaachuun namoonni kun eessaafi hojii akkamii irratti yoo bobba'an bifa tasgabbaa'aafi itti fufiinsa qabuun jiruu isaanii deebisanii ijaarrachuu danda'an jedhu tilmaamuufi karoora baasuuf fayyada. Odeeffannoo bu'araa kanaan dabalata fedhiifi hawwii dhuunfaa isaanii gaafachuun hiree argamuun wal simsiisuun barbaachisaadha;
B. Ummanni kun akka waliigalaattis ta'ee akka dhuunfaatti eessa yoo qubsiifamaniifi hojii akkamiitti yoo bobbaafaman jiruu gaarii jiraatuu danda'u kan jedhu qorannaa gahaa barbaachisa. Yeroo uummanni kun qubachiifamu fayyadamummaa isaaniitin dabalatee dantaa diinagdeefi siyaasaa sabaafi biyyaattiitis hubannaa keessa galchuun barbaachisaa akka ta'e yaadota torban dabre ka'an hedduurraa ifa natti fakkaata. Yaadni irra caalaan magaalota Oromiyaa tarsiimawaa namni keenya lakkoofsaan xiqqaa itti ta'e keessa yoo qubachiifaman gara hedduudhaan faaydaa akka qabu ifaadha. Koreen qindeessituu qaamota mootummaa dhimmi ilaaluu waliin ta'uudhaan qorannaa gaarii gochuun ummata kana osoo yeroon hin dheeranne qubachiisuu eegaluu qaban. Murtii irra gahaniifi karoora uummata kana qubachiisuuf qabaniis yeroo gabaabaa keessatti baqattootaafi ummata gargaarsaan isaan bira dhaabbataa jiruuf ifa godhuu qabu;
Walumaagalatti hojiin hanga ammaatti lammiilee keenya diinaan buqqa'aniu eddoo jireenyaafi hojii isaanii akkasumas qabeenya horatan irraa ari'aman simachuu irratti tumsu gara hundaan godhame kan Oromummaa keenyatti daran akka boonnu nu taasiseedha jechuun ni danda'ama. Tumsi Oromummaa kunis fulduree keenyaaf abdiifi hawwii guddaa ta'e kan horuudha. Abdifi hawwiin keenya kun eddoo isaa osoo hin ga'in akka hin hafneef Mootummaan Naannoo Oromiyaa, Koreen Qindeessituu Dhimma Kanaa akkasumas hundi keenyaa gahee nurraa eeggamu hundaa bifa duraanii caalaa cimsinee bahuu qabnan jedha.

Tuesday, September 26, 2017

BARATTOOTA OROMOO FI YUNIVARSITII JIJJIGAA

BARATTOOTA OROMOO FI YUNIVARSITII JIJJIGAA 

                                                                                        ( by Jawar Mohammed )

Dhimmi barattoota Oromoo Yunivarsitii Jijjigaa keessatti barachaa turanii fi bara kana achitti ramadamanii hatattamaan furmaanni kennamuu qaba. 

Ilmaan Oromoo Naannoo Somaalee keessatti ajjeefamanii, saamamanii, miidhamanii, Qabeenya miliyoonaan lakkaawamu kan baroota dheeraaf dafqa isaanii xuruurfatanii carraaqqatanii horatan sumuunii malee keessaa ariyataman kuma dhibbootaan lakkaawamu.

ilmaan Oromoo Magaalaa Jijjigaa keessatti akka horiitti qalaman eenyuu kan Wayyaaneen harka qabdee gorra'aa jettee Liyyuu Poolisiif geeysitu eenyu ??
Dhimma kanarratti Mootummaan Federaalaa (wayyaaneen) hatattamaan furmaata kennuun dirqama isaati. Warri Federaalaa itti gaafatamummaa tokkollee fudhatanii Jijjigaa nama geeysuu hin danda'an. Sababni isaas Yunivarsitiin kun hogganamu Liyyuu Poolisiidhaani. Kanaan duraas barattoota Oromoo akka malee hiraarsaa fi rakkisaa turan.
Poolisoonni Liyyuu barattoota Afaan Oromoo dubbatu arkinaan qabanii gara mana hidhaa teeysoon isaa hin beekkamneetti geeysu ykn immoo maallaqa irraa fudhatanii gad lakkisu jedhu barattoonni Oromoo achitti barachaa turan. Barataan Oromoo miilaan gad bahee Jijjigaa keessa deemuuf gatii miilaa kafalaa ture. Barattoonni kanaan dura maallaqa gaafataman dhabuudhaan hidhamanii hanga ammaatti waggaa 2 oliif achi buuteen isaanii hin beekkamne hedduudha kan jedhanis barattootuma achitti barachaa turaniidha. Kanaan booda barataan Oromoo sammuu tasgabbii qabuun gara Jijjigaa deemee baratee gala jedhanii yaaduun waan hin taane.
Furmaanni dhimma kanaa hatattamaan kennamuu qaba.
Akka dirqamaatti obbolummaatti fi qaama dhimmi kun ilaallatuutti immoo:-
√ Mootummaan Naannoo Oromiyaa
√ Ummanni Oromoo bal'aan
√ Barattoonni Oromoo Yunivarsitiilee, M/BQophaa'inaa fi Sadarkaa 2ffaa
√ Aktiivistoota Oromoo 
√ Hayyoota Oromoo fi 
√ Quuqamtoonnii fi jaalattoonni Oromoo tokkummaadhaan dhimma kanaaf xiyyeeffannaa kennuun biyya keessaa fi alaa furmaata itti barbaaduun dirqama Oromummaati. 
Wayyaaneen kan barbaaddu nuutu itti gaafatamummaa fudhataa deemaa barattootaan jettee gaafa barattoonni Oromoo achi deeman ficcisiisuu fi kan hafe baqatee akka bara kanaaf barumsa dhabee galu barbaaddi.
Dhimmi kun dhimma Oromoo fi Oromummaati. 
[ Barento M ] Fuulbana 26, 2017
MIRGA KEENYA TOKKUMMAAN KABACHIIFANNA !!!

Monday, September 25, 2017

IRREECHA 2017 ilaalchisee wanti sirritti ifa ta'uu qabu

IRREECHA 2017 ilaalchisee wanti sirritti ifa ta'uu qabu

                                                                                           ( jawar mohammed irra )
1) Irreechi barana kan wareegamtoota bara dabree ittiin yaadannudha ( memorial). Haaluma kanaan biyya alaatti gaafa Dilbataa ( Onk 1) guutuu addunyaatti sirni duungoo ibsuu akka geggeeffamu Waldaan Maccaa Tuulamaafi Oromoo Support Group waamicha dhiheessanii jiru. Biyya keessatti jalabultii irraa eegalee sirni yaadannoo ni godhama. Iddoo ayyanichaattis taatowwaan yaadannoo ni godhamu.
2) Irreecha kana irratti qondaalli mootummaa kamiiyyuu haasaa akka hin goone waligalteen jira. Abbaan fedhes kana diiguu hin qabu, diignaan rakkootu uumama.
3) Gumiin Abbootii Gadaa hojii nageenyaa poolisii Oromioyaa waliin akka geggeessan foollee 400 qopheessee jira. Foolleen tun leenjii fudhachaa jiru, mallattoo adda isaan godhu qabaatu
4) Irreechi kan nagayaa akka ta'u hawwii hundaati. Bara dabres kan nagaa borce mootummaadha malee hirmaattota miti. Barana loltootaafi qondaalota mootummaahambisuun nageenyi akka hin boorofne ni gargaara. Akka waan ummanni qaama badii bara dabree fakkeessanii dhiheessuun sirrii miti
5) Siidaan tasaa akka jijjiramu jedhameera. Garuu hanga ammaa hin jijjiiramne. Inumaatuu loltootaan eegsisaa jiru. Jechi siidaa sanirra jiru Irreechatti ummata eeguu hin qabu. San duratti ka'uu qaba.
6) Diinni akka ummanni ayyaana jiddugala tokkummaa Oromoo ta'e kana akka baay'atee hin baaneef hamii adda addaa oofun ummata sodaachisee hirmaannaa xiqqeessuu fedha. Ummanni keenya olola akkasiif gurra osoo hin kennine kan durii caalaa buqqa'ee bahuun argamuu diina laayyeessuu qaba!

Sunday, September 10, 2017

OPDOn turtus amma waan ifeef fakkaatt

OPDOn turtus amma waan ifeef fakkaatt ( jawar Mohammed )


OPDOn turtus amma waan ifeef fakkaatti. Lolli Oromiyaa irratti baname kan duriin adda tahuu akka hubatte calaqqisti . Humni Liyyu Poolisii qofa osoo hin loltoonni bitaman Soomaliyaa, Somaliland fi Tigraay irraa akka dhufan ragaa qabatamaan bira gahee jira. Garii ofiifis gabaasuu eegaltee jirti. Humna kana kan nutti bobbaasaa jiru Wayyaanee-Tigree ta'uu afaan baafattee dubbachuu sodaattus warri 'federaala' harkaa qabu akka nutti jiru eeruu eegaltee jirti. Better late than never jennaan. Gara fuulduraatif:
- Dogongora seenaan hin irraanfannee torbanoota dabran keessa hojjattan irra hin deebi'inaa. Kunis Liyyu poolisiin weerara waliigalaa guddaadhaaf akka qophaayaa jiru isinitti himamaa ture. Manguddoon Harargee Bahaa iccitii diinaa irra gahaniifi tarsimoo barbaachisu dhaamsaan himuu waan hin barbaanneef hamma Finfinnee ofii dhufanii torban tokko taa'anii abbaa kanaa namni jedhuun dhabamee abdii kutatanii galan. Manguddoon Booranaafi Baales haaluma kanaan qophii daangaa irratti godhamaa jiru waajjira pirazidantiitiif gabaasaa turan. Mangoddoleen godinootaa kun qondaala mootummaa Oromiyaa isan dhagahu dhabnaan Gumii Abbootii Gadaatti dhaammatan. Abbootiin Gadaas waan dhagayaniifi beekan Lammaa yaamanii yoo itti himan, "soba, lolli homaatuu daangaarraa hin jiru" jedhee itti dheekkamee salphise. Guyyuma san lolli Harargee Lixaan eegale borumtaa Booranaafi Baale bobeessuu eegale. Osoo manguddoofii abbootii gadaa dhaggeeffattanii milishaafi poolisiin daangaa irraa akka qophaayu godhuun danda'ama ture. Silaa gaaga'amni kun hundi nurra hin gahu ture.
- Manguddoo dhagawuu isin didnaan qophii Liiyyu Poolisii saaxiluun ummanni akka of eegu akeekkachiisuun duula miidyaa godhame. Kanas 'warra dubbii daldalutu' odeessa malee lolli homaatuu hin jiru jettan. Inumaatuu warra Lammaa buusuu fedhu olola jedhu as baatan. Osoo ilaalcha dantaa murnaa keessaa baatanii akka mootummaatti of laaltanii 'odeeffannoon xiqqoo hin qabdu' yaada jedhuun sochootu turtan. Jaalattanuu jibbitanuu Qeerroon tarsiimoo odeeffannoo funaanu ( intelligence gathering strategy) keessanirra harka dachaan caaluu akka qabu mirkneessee jira. Isin dabballoota gabaasa sobaa ol erganiifi odeeffannoo dogongorsaa dhaabni basaasaa Wayyaanee isiniif laatu irratti hirkattan. Qeerroon garuu ummata bal'aa bu'ureeffatee odeffannoo guuree, gulaalee, qindeessee, xiinxaleeti kan raabsu.
- Gara fuulduraatif waan ummanni jedhu hin tuffatinaa dhaggeeffadhaa. Amma yeroon oduu dabree jira. Weerara daangaan baname kan ofirraa cabsuuf deeggarsi meeshaaf humna namaa daran dabaluu qaba. Sun garuu gahaa miti. Mootummaa 'federaalaa' isin jettan san irratti dhibbaa geessisuu barbaachisa. Karaa kun ta'uunii qabu keessaa
- Caffeen saffisaan waamamee lola ofirraa ittisuu labsuu qaba
- Guutuu biyyattitti hiriirii mormii mootummaa naannoo Oromiyaatiin yaamamuu qaba
Kana gochuu yoo sodaattan, isiniif hubanna. Akka itti wayyaanee harka kennisiisan Qeerroofi ummanni beeka. Jidduudhaa bayaa!!

Wednesday, September 6, 2017

The Ethiopian Government Proxy war Retaliation against Oromo: Boarder Attacks

The Ethiopian Government Proxy war Retaliation against Oromo: Boarder Attacks
                                                                                                          ( BY: Najat Hamza )
The Ethiopian Government Proxy war Retaliation against Oromo: Boarder Attacks
It is very hard to shed light on a human suffering when the world is bombarded with one tragic human history after another. The world has become a show case for various forms of violence, famine, indifference, greed and pure hate. It seems like mother nature has joined the destructive trends by unleashing the worst weather disasters known to us in recent years with more devastation to come. However, all of us come from a home, a place, people we call our own, my own place is Oromia. Oromia is a country fighting to survive. My people, Oromo have been fighting to restore their dignity and self-worth for generations under various Ethiopian regimes. The last 25 years under the Tigrean People’s Liberation Front is no different. We have fought to advance our right to life, to equality, to justice and to democracy on our own land and the fight still rages on.
In recent years Oromo people have resisted the dictatorial regime of Ethiopian in every way they can and still up in arms with it. People have taken it to the streets, they have boycotted government programs, markets, public meetings and tax hikes to show their dissent. The Ethiopian government answered their legitimate demands with more death, torture, disappearances, incarcerations, displacements and denial of necessities. These measures are taken against the Oromo people as an attempt to salience us once and for all. It is hard to care about one issue, in the world filled with nothing but chaos, nonetheless it is about unnecessary human suffering.
The complacency of Western government in this validated violence against the Oromo people and other ethnic groups all over Ethiopia will not be overlooked. The western enablers of a rotten regime unleashing unimaginable suffering on its own people is perplexing to say the least. It raises questions like, what is the geopolitical gain of the West for the complacency of this violence against innocent people? What does each Western country gain for turning a blind eye in this ethnic cleansing? How could one advocate for human rights and democracy and enable such a regime all at the same time? And many more questions that are even more harder to understand.
The boarder attack wages all over Oromia particularly East and West Hararge region is the result of retaliation against people who simply asked for their right to be respected. They are paying with their lives, limbs, incarcerations, rapes, displacements and hunger simply because they dared to ask for their God given rights. How can any of us show indifference to our brothers and sisters along the Oromian boarders while bullets rain on them daily? What would take for Oromo people to say we are in this together, we have to stand together, we must fight together and we will win together? Do we sit and wait for the bullets to come to each of our door steps to care? The suffering of one Oromo person is not enough to sound an alarm for those of us near and far? Why are Oromos on the boarder dying? You know why? Because they spoke for all of us, for Oromia, for each acre of land that makes Oromia a country that it is, that is why they are being sprayed with bullets.
The political differences between us about how to get to the mountain top should not be a hindering force for our progress nor should it be a catalyst for indifference. The current artificial bickering among us, character assassinations, name callings, and all destructive agendas will not allow us to serve the ultimate goal. The goal is to see a country we all call home from vultures of every kind past, present and the future. The goal is secure our home, so that generations that come after us will not be prosecuted simply for who they are. You can disagree, debate, and even walk away from ideas but what you should not do is turn it into smear campaign. It helps no one, particularly those we suppose to assist. Those who are standing in front of fire with their bodies to die for the same ideas we cannot even agree on.
The confusion of diaspora politics is having some effect in the way we respond to tragedies as they unfold. We suppose to help with, funds, advocacy and being moral supporters for the real heroes back home fighting for their survival. What are we doing we cannot contribute the bare minimum? What the use of our elaborate ideas if can turn to something practical that could help our people? Who is the hero? Who is dying? Why are they dying? What is our call? How do we serve the purpose? In what way can we serve the purpose? These are the questions we should ask ourselves, we are fortunate enough to be in someone else’s country, enjoying peace. We can use this advantage to help our people in an impactful way.
Oromia does not need leadership, a mouthpiece, or self-serving individuals from diaspora. What they need is a support system from us. A support system that can deliver financial, moral and political on the ground. They need a ground to stand on, to fight their own fight. We can be their ground, we can be their support, as soon as we understand it is never about us. It has always been about those who refuse to run from their country and fight try to make it better. It is about the Oromo people in Oromia. What are you going to do about that?

Saturday, September 2, 2017

Dhaamsa Obbo Lammaa Magarsaatiif: Suuta eejjatan suuta qoreen nama waraanti

Dhaamsa Obbo Lammaa Magarsaatiif: Suuta eejjatan suuta qoreen nama waraanti
                                       (jawa mohammed irra)
Haasaa Lammaa Magarasaa Abbootii Gadaa waliin Ardaa Jilaatti godhe amman dhaggeeffadhee fixe. Dimshaashatti wanniin hubadhe namtichi ji'oota muraasa dura hamma tokkos ta'u dhugaa Oromoo akkaataa miira saba kanaa hawwatuun dubbachuun dhageettii argate saffisaan gara OPDO duriitti deebi'aa jiraachuu isaati. Kanaafuu, gorsa gabaabaa armaan gadii kanan kennuu barbaada.
- Abbootiin Gadaa abbootii saba kanaati. Kabajaan isaanii pirazidaantii Oromiyaatiin dhiisi nama 'taraa' kamiinuu tuqamuun sirrii miti. Akkaataan Lammaan jaratti dubbataa kan maqaa waajira isaatiifi gulantaa Abbootii gadaa hin madaalle, kan tuffii of keessaa qabu ture. Akkuma warri dhaggeeffattan ragaa baatan Abbootiin Gadaa hundi isaanii ulfina isaaf godhanii akkuma aadaatti kabajaa waajjira pirazidaantiitiif malu dursanii ibsuun gaaffii dhiheessaa turan. Inni garuu deebii isaa keessatti akka jarri kun wal'aaloo ta'anitti itti gadi haasa'aa ture. Akka waan isa malee Abbootiin Gadaa waan Oromiyaafi Oromoon keessa jirtu quba hin qabneetti, akka waan isaan oduu qofaan oofamaniitti dhiheessaa ture. Dhugaan jiru garuu Abbootiin Gadaa kun waan hawaasa keessatti ija isaanitiin arganiifi gurra isaaniitin uummatarraa dhagayan kaasaa turan. Wanti isaan dubbatan tokkos soba miti. Inumaatuu yeroo ammaatti hawaasni keenya qaama mootummaa keessaa nama rakkoo isaanii itti himatan waan dhabaniif iyyata isaanii gara Abbootii Gadaa geessaa jiru. Dhimmuma daangaa kanarratti maanguddoonni Booranaa, Baalee, Harargee Finfinnee dhufanii qondaala isaan dubbisu yeroo dhabanitti kan karaa baneefi rakkoo isaanii dhaggeeffatee abdii kenneef Gumii Abbootii Gadaati. Kanaafuu, Abbootiin Gadaa waan jechaa jiran kana takkaa ijaan argan yookaan immoo arraba uummata isaanii irraa dhaga'an malee akka Lammaan yaadutti miidiyaa irraa hin dhageenye. Akkuma irraa dhageenyu jarri kun waan dubbatanis akka itti dubbatanis ni beekan. Hoogganni siyaasaa tuffachuu dhiisee qalbiin osoo dhaggeeffatee waa hedduu irraa barata. Abbootii Gadaa kana hamilee cabsanii caldhisiisuuf jecha xiqqeessurraa ulfeeffatanii ofitti qabuun Lammaafis ta'ee qondaalota biroof faayidaa guddaa qaba. Yeroo biyyi xaxaa siyaasaa keessa gale uummanni mootummaa hinamanne kanatti Abbootiin Gadaa, qondaalotaafi uummata jidduutti riqicha ta'uu danda'u. Qondaalonni mootummaas ta'ee kan mormituu, hayyonnis ta'ee Qeerroon, Abbootii Gadaa keenyatti yoo dubbatan ulfina sirna kabajamaa kanaan maluun waliin ta'uu qaba. 'Sabbaa abbaan gaafa cabse urmi ija jaamsaa' san irraanfachuu hin qabnu.
- Dubbachuun duratti haqa ( fact) lafarra jiru addaan baafadhu. Wanti ani pirazidasntota Oromiyaa garaagaraa irraa hubadhe waan Oromiyaa keessaa guyyaa guyyaan ta'u takkaa odeeffannoo hin qaban yookaan odeeffannoon dogongoraatu itti kennama. Fakkeenyaa Lammaan walgahii ardaa jilaa kanarrtti Liyyuu Poolisiin ummata Harargee fixaa jirtu soba guyyaadhuma jedhu san magaalaa Mi'eessoo walakkaatti nama lama ajjeefte. Guyyaa itti aanu nama 8 ajjeefte. Tobran san dura araddaalee baadiyaa keessatti nama lama galaafatte. Maarree Lammaan gaaga'ama kana quba hin qabumoo Ardaa Jilaa taa'ee Abbootii Gadaatti sobaa ture? Kanumaan walqabatee araddaalee naannoo Soomalee irraa gara Oromiyaa deebifne jedhee inni dubbates sirrii miti. Araddaaleen inni maqaa dhaye durumaanuu Oromiyaa jalatti bulaa kan turaniidha. Kanaafuu, akka itti gaafatamaa hojii raawwachiiftuu mootummaa Oromiyaatti ( Chief Executive Officer), waan Oromiyaa keessa jiru odeeffannoo qabatamaa ( raw facts) guyya guyyaan argachuun, murtiin dabarsus ta'ee deebiin kennu achirratti hundaa'uu qaba. Hubadhaa, gadaan sobanii dubbii jala dabran erga dabartee bubbultee jirti.
- Ummanni haasayaafi waadaa Lammaa akka gaariitti simatee akka ture waan hin haalamne. Haasaafi waadaa qofaan yeroo dheeraaf uummata bulchuun hin danda'amu. Ummanni keenya amma haasaafi waadaa dhaga'uu osoo hin taanee tarkaanfii qabatamaa qofa arguu barbaada. Dhimma daangaa ni furra ammaa booda Oromoon hin du'u jettan ji'a Eblaa keessa. Dhimmi daangaa ammas hin furamne, Oromoonis guyyuma guyyaan loltuu Abdi Ileetiin ajjeefamaa jira. Dhimma Finfinnee ni furra jettan. Wixinee laaqamaa san dhiheessitanii erga uummanni isin harkatti busheessee booda uummata mari'achiifna jettanii turtan. Achumaan lafa keessanii caldhiftan. Ormi garuu irratti of qopheessaa jira. Paarlaamaan ji'a tokko booda hojiitti deebi'a. Uummataafi hayyoota Oromoo akkasumas Caffee Oromiyaa osoo hin mariisisin labsii Finfinnee guutuutti dabarsee kennu san paarlaamaan yoo dabarse balaa biyya san diigutu uumamuuf deema. Waliigalatti yeroon haasayaafi waadaaf kenname dhumee jira. Yeroofi hireen dalagaan agarsiisuuf qabdanis saffisaan fiigaa jira.