Jawar Mohammed Ilma Oromoo ta'ee qawwee takka malee diina Oromoo nafxanyootaaf woyyaanees hirriba dhoowwuun qofti ummata Oromoo hunda boonsa

Jawar Mohammed Ilma Oromoo ta'ee qawwee takka malee diina Oromoo nafxanyootaaf woyyaanees hirriba dhoowwuun qofti ummata Oromoo hunda boonsa

                                                                                     ( Bekna Rabira irra )

Jawar Mohammed Ilma Oromoo ta'ee qawwee takka malee diina Oromoo nafxanyootaaf woyyaanees hirriba dhoowwuun qofti ummata Oromoo hunda boonsa. Jabaadhu yaa Leenca Oromoo . Gadaaf ummatni Oromoos daangaa hanga daangatti harkaa si qaba. Siif fakkaatotni kee Daandiin hayyootaaf humna barate gola Oromiyaa hunda irraa walitti qabdanii deemaa jirtan bilisummatti nu haa geessu. Sabni biyya keessaaf alaaniis gurra gadi qabee waan guddaa sirraa eegaa jira. Amma yeroo kan humna barateef kan dhaloota qubeeti.

Eeyyen hogganootni jaarmiyaalee siyaasaa walitti hin dhufan taanaan, Oromoon isaan qofa hin qabu.
👉 yoo gootota ta'es Oromoon kan harka duwwaa diina hanga funyaanitti hidhate ajjeesaaf dura dhaabbataa jiran kumaatamaan qaba.
👉 yoo humna barateef hayyoota ta'es kumaatamaan qabna
👉 yoo qabeenya ta'es ummatni Oromoo hogganaa Kutataa lolee lolchiisu, hidhatee hidhachiisu, kan bilisummaa ummataa dursu qabaatnaan, qabeenya qawwee mitii taankii ittiin bitee lolchiisu qaba.

Kanaaf hogganootni jaarmiyaalee Oromoo yoo dhugaan ummataaf qabsaawaa jiran ta'e, gandaaf kutaan wal qooduu, aangoof faayiidaa dhuunfaaf saba gabrummaa jalattu tiksuu, maqaa jaarmayootaa akka suuqii(dukkaana) dhuunfatti itti fayyadamuu dhiisanii Mooraa qabsoo Oromoo tokko taasisuu, hoggansa dhaloota qubeen bakka buusuu qabu. Ta'uu baatnaanis Oromoon filannoo hedduu qaba. Ofumaa yeroo Ummatni Oromoo kabajaan tokko ta'aa jedhee Isin kadhatu diddanii Seenaa boonsaa dalagdanitti dhoqqee hin Laaqinaa.